საქართველოს განათლებისა და მეცნიერების სამინისტრო, სახელმწიფო პროფესიულ საგანმანათლებლო დაწესებულებებში სწავლის მსურველთათვის, მათ შორის შეზღუდული შესაძლებლობის მქონე პირთათვის, 14-დან 27 სექტემბრის ჩათვლით, აცხადებს რეგისტრაციას 150–ზე მეტ პროფესიულ პროგრამაზე.

საქართველოს განათლებისა და მეცნიერების მინისტრმა თამარ სანიკიძემ, საქართველოში კომპანია BP-ს დირექტორმა საგარეო საქმეთა საკითხში გია ღვალაძემ და საქართველოს ტექნიკური უნივერსიტეტის რექტორმა არჩილ ფრანგიშვილმა ხელი მოაწერეს სამმხრივ ხელშეკრულებას, რომლის მიზანია საქართველოში პროფესიული განათლების მიმართულებით ახალი საერთაშორისო სტანდარტის საგანმანათლებლო პროგრამის განხორციელება და განვითარების ხელშეწყობა.

პროფესიულ განათლებაში დამსაქმებლის ჩართულობის უზრუნველსაყოფად, მნიშვნელოვანი შეთანხმება გაფორმდა საქართველოს განათლებისა და მეცნიერების სამინისტროს, საქართველოს რკინიგზასა და საქართველოს ტექნიკურ უნივერსიტეტს შორის. შეთანხმების საფუძველზე, მხარეთა თანაინვესტირებითა და უშუალო ჩართულობით სარკინიგზო ტრანსპორტის პროფესიული სასწავლებელი დაფუძნდება, სადაც კონკრეტული მიმართულებით მოხდება სტუდენტთა გადამზადება და შემდგომ მათი დასაქმება. საქართველოს რკინიგზა როგორც დამკვეთი და დამსაქმებელი განათლებისა და მეცნიერების სამინისტროსთან და ტექნიკურ უნივერსიტეტთან […]

საქართველოს განათლებისა და მეცნიერების მინისტრის პირველი მოადგილე ქეთევან ნატრიაშვილი თელავის პროფესიულ კოლეჯში „პრესტიჟი“ მიმდინარე სარემონტო სამუშაოებს გაეცნო. მიმდინარე წელს კოლეჯში რამდენიმე მნიშვნელოვანი ინფრასტრუქტურულ პროექტი განხორციელდა: შენობა გადაიხურა, გამოიცვალა კარ-ფანჯარა, გაკეთდა გათბობის თანამედროვე სისტემა, სარინელები, ოთხივე სართულზე მოწესრიგდა სველი წერტილები, მათ შორის – სველი წერტილები ადაპტირდა სპეციალური საგანმანათლებლო საჭიროების მქონე სტუდენტებისთვის.

2012 წლის ოქტომბრიდან დღემდე: •    სრული სარეაბილიტაციო სამუშაოები განხორციელდა 9 კოლეჯში; • ნაწილობრივი რეაბილიტაცია ჩაუტარდა 8 პროფესიულ საგანმანათლებლო დაწესებულებას; •   აშენდა – 1 საერთო საცხოვრებელი და 1 სასწავლო კორპუსი. 2015 წელს სახელმწიფო კოლეჯებში, ფილიალებსა და პროფესიული საგანმანათლებლო პროგრამების განმახორციელებელ უმაღლეს სასწავლებლებში14 მილიონი ლარის ინფრასტრუქტურული პროექტები ხორციელდება. ► დეტალური ინფორმაციისათვის იხილეთ ბმული – http://e.gov.ge/TTntD 

მიმდინარე წლის 21 აგვისტოს, საქართველოს განათლებისა და მეცნიერების სამინისტროსა და ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს (GITA) თანამშრომლობის ფარგლებში, გაიმართა მორიგი სამუშაო შეხვედრა, რომელიც უკავშირდება სამრეწველო ინოვაციების ლაბორატორიების (FABLAB) მოწყობას, საქართველოს პროფესიულ საგანმანათლებლო დაწესებულებებში.

მიმდინარე წლის 19 აგვისტოს საქართველოს განათლებისა და მეცნიერების მინისტრი თამარ სანიკიძე პროფესიულ კოლეჯში „სპექტრი“ მიმდინარე ინფრასტრუქტურულ პროექტებს გაეცნო. რამდენიმე მნიშვნელოვან პროექტს შორისაა სტუდენტური საერთო საცხოვრებლის, ტრენინგ-ცენტრისა და სასტუმროს რეაბილიტაცია. სარემონტო სამუშაოების დასრულების შემდეგ, სამივე ობიექტი სრულად დააკმაყოფილებს ევროპულ სტანდარტებს.

მიმდინარე წლის 16 აგვისტოს WorldSkills-ის საერთაშორისო შეჯიბრის დასკვნითი, მეოთხე ტურიც ჩატარდა.ნომინაციაში “ქვეყნის საუკეთესო წარმომადგენელი” (best of nation) გამარჯვებული ლეონარდო სტეფანოვი გახდა.

მიმდინარე წლის 15 აგვისტოს Worldskills Georgia-ს ფლორისტი ანა ვაშაძე მსოფლიო ახალგაზრდობის პროფესიული უნარების დღისადმი მიძღვნილი ვიდეოსთვის დაჯილდოვდა.

მიმდინარე წლია 14 აგვისტოს WorldSkills-ის საერთაშორისო კონკურსის მონაწილე საქართველოს გუნდის ყველა წევრმა დავალება წარმატებით შეასრულა და ასპარეზობას მომდევნო ტურში აგრძელებს. დღესაც საკმაოდ დაძაბული ტური მიმდინარეობს, წარმატებებს ვუსურვებთ საქართველოს გუნდს.