რა არის პროფესიული ორიენტაცია?

პროფესიული ორიენტაცია სხვადასხვა მომსახურებისა და ღონისძიებების ერთბლიობაა, რომელიც ინდივიდებს საშუალებას აძლევს მიიღონ გადაწყვეტილებები განათლების, გადამზადებისა და პროფესიების შესახებ, და მართონ საკუთარი კარიერა. ამ პროცესის ფარგლებში ადამიანებს მიეწოდებათ ინფორმაცია შრომითი ბაზრის, სხვადასხვა საგანმანათლებლო და დასაქმების შესაძლებლობების შესახებ. გარდა ამისა, პროფესიული ორიენტაცია ადამიანებს ეხმარება საკუთარი მისწრაფებების, ინტერესების, კომპეტენციების, პიროვნული თვისებების, კვალიფიკაციებისა და უნარების გააზრებაში და მათ შესაბამის სასწავლო პროგრამასა თუ სამუშაო შესაძლებლობასთან დაკავშირებაში.

პროფესიული სასწავლებლების ფარგლებში მომუშავე პროფესიული ორიენტაციის მენეჯერები პოტენციურ და არსებულ სტუდენტებს, კურსდამთავრებულებსა და სხვა დაინტერესებულ პირებს კონსულტაციებს უწევენ და კარიერულ დაგეგმვაში ეხმარებიან. ისინი:

• კარიერის დაგეგმვასთან დაკავშირებულ ინფორმაციას აწვდიან ნებისიერ ადამიანს, რომელიც პროფესიული განათლებითაა დაინტერესებული.
• დაინტერესებულ პირებს აცნობენ კონკრეტული სასწავლებლის მიერ შემოთავაზებული პროფესიულ-საგანმანათლებლო შესაძლებლობების, ადამიანური რესურსების, მატერიალურ-ტექნიკური ბაზისა თუ პრაქტიკული სწავლების განმახორციელებელი ორგანიზაციების შესახებ.
• აწყობენ “ღია კარის დღეებს” პროფესიულ სასწავლებლებსა და საშუალო სკოლებში, დაინტერესებულ მხარეებს აცნობენ პროფესიულ სასწავლებლებს.
• პროფესიული ინფორმაციისა და კონსულტაციების შემდეგ მსურველებს ეხმარებიან პროფესიულ პროგრამებზე რეგისტრაციაში
• აწარმოებენ კურსდამთავრებულთა დასაქმების მონაცემთა ბაზებს
• თანამშრომლობენ ორგანიზაციებთან, რომლებიც სტუდენტებს პრაქტული ტრენინგისა და სწავლების გავლის საშუალებას აძლევენ
• სტუდენტებსა და კურსდამთავრებულებს აცნობს მათ კვალიფიკაციასთან დაკავშირებულ სამუშაო შესაძლებლობებს.
• დაინტერესებულ პირებს ეხმარებიან რეზიუმეს, სამოტივაციო წერილისა და ინტერვიუსათვის მომზადებაში.

 

საქართველოს განათლებისა და მეცნიერების სამინისტროს, სხვადასხვა საერთაშორისო და ადგილობრივ ექსპერტებთან კონსულტაციებისა და სხვადასხვა ქვეყნების გამოცდილების გაზიარების საფუძველზე, მიზანშეწონილად მიაჩნია პროფესიულ ორიენტაციის სისტემაში შემდეგი დაინტერესებული მხარეების ჩართვა: მანდატურის სამსახურის ფსიქოლოგიური ცენტრი, რესურსცენტრები, კერძო სექტორი, პროფესიული და უმაღლეს საგანმანათლებლო პროგრამების განმახორციელებელი დაწესებულებები და ზოგადსაგანმანათლებლო დაწესებულებები. სწორედ სკოლის ასაკში და სკოლის დახმარებით უნდა გაეცნოს მოზარდი სხვადასხვა პროფესიების თავისებურებებს, შეიქმნას წარმოდგენა შრომის ბაზარზე და განვითარების პერსპექტივებზე; გაეცნოს სხვადასხვა სფეროში მაღალი მიღწევების მქონეა ადმიანებს, გააცნობიეროს საკუთარი ინტერესები და შესაძლებლობები ადეკვატური თვითშეფასების უნარისა და კარიერის კონკრეტული გეგმის შემუშავების გზით.

პროფორიენტაციისა და კარიერის დაგეგმვის სამსახურს მართავს სსიპ საგანმანათლებლო დაწესებულების მანდატურის სამსახურის ფსიქოლოგიური ცენტრის უფროსი, რომელსაც ექვემდებარება 5 კოორდიანტორი. საქართველოში არსებულ რესურს-ცენტრებში გადანაწილებულია 103 პროფორიენტაციისა და კარიერის დაგეგმვის სპეციალისტი, რომელიც პასუხისმგებელია 20-22 სკოლაში პროექტის წარმატებით განხორციელებაზე. ამ ეტაპზე, დაგეგმილია მე-9 და მე-11 კლასებში, სადამრიგებლო საათის ფარგლებში, პროფორიენტაციისა და კარიერის დაგეგმვის გაკვეთილის (პროფესიის საათის) ჩატარება. გარდა აღნიშნული სპეციალისტებისა პროფესიულ საგანმანათლებლო დაწესებულებში მუშაობს პროფორიენტაციის მენეჯერი, რომლის ვალდებულებაა აპლიკანტების, პროფესიული სტუდენტებისა თუ კურდამთავრებულების სწორი პროფორიენტცია და დასაქმებაში ხელშეწყობა.

---

ვებგვერდი შექმნილია საქართველოს სპორტისა და ახალგაზრდობის საქმეთა სამინისტროს მიერ ინიცირებული „ახალგაზრდული პოლიტიკის განვითარების პროგრამის“ ფარგლებში. www.myprofession.ge -ზე შეგიძლიათ მოიძიოთ დამატებითი რესურსები, რომლებიც ხალგაზრდებს დაეხმარება მათი ინტერესებისა და უნარების შესაბამისად, აირჩიონ მომავალი პროფესია. ნებისმიერ ადამიანს შეუძლია ვებგვერდზე განთავსებული ტესტების შევსება, შედეგების ხილვა და მასზე დაყრდნობი გადაწყვეტილების მიღება.

---

პროფესიული კონსულტირებისა და კარიერის დაგეგმვის მომსახურების სრულყოფილი სერვისის სტანდარტის განსაზღვრისა და სამუშაოს მაძიებელთათვის პროფესიული კონსულტირებისა და კარიერის დაგეგმვის ქვესტანდარტის დადგენილება