სსიპ - კოლეჯი „სპექტრი“

გათბობის, ჰაერის კონდიცირებისა და სამაცივრო სისტემების მომსახურების პროფესიული საგანამანათლებლო პროგრამის, რომელშიც ინტეგრირებულია ზოგადი განათლების საშუალო საფეხურის სწავლის შედეგები, მოცულობაა 86 კრედიტი. პროფესიული კვალიფიკაციის მოსაპოვებლად პროფესიულმა სტუდენტმა უნდა დააგროვოს პროფესიულ საგანმანათლებლო პროგრამაში განსაზღვრული მოდულებით გათვალისწინებული კრედიტები და ჩააბაროს საკვალიფიკაციო გამოცდა. პროფესიული საგანმანათლებლო პროგრამის, რომელშიც ინტეგრირებულია ზოგადი განათლების სწავლის შედეგები, დიპლომი უთანაბრდება სრული ზოგადი განათლების დამადასტურებელ დოკუმენტს და მფლობელს ანიჭებს კანონმდებლობით გათვალისწინებულ უფლებამოსილებას. გათბობის, ჰაერის კონდიცირებისა და სამაცივრო სისტემების მექანიკოსი მაცივარაგენტზე მომუშავე მოწყობილობის მომსახურე პირის სახელმწიფო სერტიფიკატის მიღების შემდეგშეიძლება დასაქმდეს: როგორც სამაცივრო, ჰაერის კონდიციონერების და თბური ტუმბოების მოწყობილობების ზედამხედველი: ა) მრავალპროფილიან საწარმოში; ბ) მონოპროფილიან საწარმოში; გ) როგორც თვითდასაქმებული სამოქალაქო სფეროში; დ) შესაბამისი მოწყობილობების სარეალიზაციო ობიექტებში. ე) სამთავრობო და არასამთავრობო ორგანიზაციებში. კურსდამთავრებულს შეუძლია: • აღწეროს გათბობის, ჰაერის კონდიცირებისა და სამაცივრო სისტემების მუშაობის პრინციპი და მათ ექსპლუატაციასთან დაკავშირებული გარემოს დაცვისა და უსაფრთხოების მოთხოვნები; • წაიკითხოს გათბობის, ჰაერის კონდიცირებისა და სამაცივრო სისტემების საპროექტო დოკუმენტაცია; • დაამონტაჟოს ჰაერის კონდიცირების, სამაცივრო და თბური ტუმბოს სისტემები; • განახორციელოს ჰაერის კონდიცირების, სამაცივრო და თბური ტუმბოს სისტემის გაშვება-გამართვა, ექსპლუატაცია და დემონტაჟი; • ზედამხედველობა გაუწიოს გათბობის, ჰაერის კონდიცირებისა და სამაცივრო სისტემების გაშვება-გამართვის სამუშაოების შემსრულებელ მცირე სამუშაო ჯგუფს