სსიპ - კოლეჯი „სპექტრი“

ხის მხატვრული დამუშავების პროფესიული საგანამანათლებლო პროგრამის მოცულობაა 86 კრედიტი. პროფესიული კვალიფიკაციის მოსაპოვებლად პროფესიულმა სტუდენტმა უნდა დააგროვოს პროფესიულ საგანმანათლებლო პროგრამაში განსაზღვრული მოდულებით გათვალისწინებული კრედიტები. ხის მხატვრული დამუშავების სპეციალისტი შეიძლება დასაქმდეს: ავეჯის დამამზადებელ საწარმოში, ხის მხატვრულ/დეკორატიული ნაკეთობების დამამზადებელ სალონებში, ხის საყოფაცხოვრებო ნივთებისა და სხვადასხვა ინტერიერის აქსესუარების დამამზადებელ სახელოსნოში, ხის წნული ნივთების დამამზადებელ სახელოსნოში, ასევე შეუძლია იყოს თვითდასაქმებული/ინდივიდუალური მეწარმე. კურსდამთავრებულს შეუძლია: 1. შექმნას სპეციალური კომპიუტერული გრაფიკული პროგრამების გამოყენებით ხის ნაკეთობათა ესკიზი/ნახაზი; 2. დაამუშაოს მერქანი და მერქნული მასალა; 3. ააწყოს და მოაპირკეთოს ხის ნაკეთობები; 4. განახორციელოს მარტივი და რთული მხატვრული კვეთა ხეში; 5. განახორციელოს კომპიუტერული დანადგარების გამოყენებით ხის მხატვრული დამუშავება; 6. დაამზადოს ხის მხატვრული ნიმუში მოზაიკური ტექნოლოგიით; 7. შექმნას ხის წნული ნაკეთობები; 8. განახორციელოს ხის ნაკეთობების შეკეთება.