სსიპ - კოლეჯი „გლდანის პროფესიული მომზადების ცენტრი“

პროგრამის ფარგლებში სტუდენტი შეისწავლის საფინანსო საქმიანობისა და მომსახურების დაგეგმვის, ხელმძღვანელობის, ორგანიზებისა და კონტროლის საკითხებს. პროგრამა ასევე მოიცავს ორგანიზაციების, ინსტიტუტებისა და ინდივიდების საფინანსო რესურსების კონტროლსა და მონიტორინგს, კორპორაციებისა და ინდივიდების ფინანსური მომსახურების საკითხებს. პროგრამის დასრულების შემდეგ კურსდამთავრებულს შეუძლია დასაქმდეს სხვადასხვა სავაჭრო ობიექტების მოლარედ, მათ შორის - ბილეთების გაყიდვების სალაროებში; ბანკებსა და არასაბანკო საკრედიტო-საფინანსო დაწესებილებებში მოლარისა და ოპერატორის პოზიციაზე, ასევე ნივთების დაგირავებითა და ფულადი თანხების გაცემით დაკავებული აგენტებისა და ბუკმეკერების პოზიციებზე. კურსდამთავრებულს პროგრამის დასრულების შემდეგ შეეძლება: კურსდამთავრებულს შეუძლია: 1. აწარმოოს ნაღდი და უნაღდო ანგარიშსწორება სავაჭრო ობიექტებში 2. აწარმოოს ნაღდი და უნაღდო ანგარიშსწორება საბანკო დაწესებულებებში 3. შეასრულოს სალარო და საბანკო ოპერაციები 4. შესთავაზოს კლიენტებს საბანკო პროდუქტები 5. ეფექტურად მოემსახუროს კლიენტებს.