ა(ა)იპ - საერთაშორისო განათლების აკადემია ბიდისი

პროფესიული მომზადების პროგრამაზე სწავლა შეუძლია ყველა დაინტერესებულ პირს, რომელსაც აქვს საბაზო განათლება და სურს მოკლე დროში მიიღოს კონკრეტული ცოდნა/უნარები. პროგრამის მსმენელები შეისწავლიან ქალის მსუბუქი ტანსაცმლის, კერძოდ ქვედა კაბის, შარვლის და ქალის კოფთის საბაზისო თარგის აგებას, კონსტრუირებას, მოდელირებას და მასალაში შესრულებას-შეკერვას, ძირითადი კვანძების ტექნოლოგიურ დამუშავებას, ტანსაცმლის დეტალების დამუშავებას და შეერთებას, ხელის გვირისტებსა და ტანსაცმლის დამზადებისათვის საჭირო სხვადასხვა დანიშნულების სამკერვალო მანქანების გამოყენებას. პროგრამის ხანგრძლივობაა 13 კვირა, რაც მოიცავს 380 საათს. პროგრამა მოიცავს, როგორც თეორიულ, ასევე პრაქტიკულ მეცადინეობას. პროგრამა ითვალისწინებს სამუშაოზე დაფუძნებული სწავლების ფორმას და სწავლება ხორციელდება აკადემიის თანამედროვე ტექნოლოგიებით აღჭურვილ ბაზაზე, ასევე პარტნიორ ორგანიზაციაში - შპს ,,რუმორ“. აკადემიის სასწავლო გარემოში არის ათი სამუშაო მაგიდა ერთდროულად სწავლებისათვის. პროგრამის განხორციელება შესაძლებელია ორ ცვლაში. ჯგუფში 10 მსმენელი (ჯამში 20 მსმენელი). პროგრამის კურსდამთავრებულს შეეძლება დასაქმდეს როგორც მსხვილ, საშუალო, ისე მცირე სამკერვალო საწარმოში, სამკერვალო ატელიეში. პროგრამის კურსდამთვრებულს ექნება თვითდასაქმების შესაძლებლობაც.

პროგრამის მიზანია მოამზადოს და შრომის ბაზარს მიაწოდოს კვალიფიციური მკერავები, რომლებიც შეძლებენ პროგრამის ფარგლებში მიღებული თეორიული ცოდნისა და გამომუშავებული უნარების საფუძველზე ქალის მსუბუქი ტანსაცმლის - ქვედაკაბა, შარვალი, ქალის კოფთა-მასალაში შესრულებას, შეკერვას. პროგრამის მიზანია ხელი შეუწყოს მსმენელებში ისეთი უნარების განვითარებას, რომელიც დაეხმარება მათ დასაქმებაში/თვითდასაქმებაში.