ა(ა)იპ - საერთაშორისო განათლების აკადემია ბიდისი

პროფესიული მომზადების პროგრამაზე სწავლა შეუძლია ყველა დაინტერესებულ პირს, რომელსაც აქვს სრული ზოგადი განათლება და სურს მოკლე დროში მიიღოს კონკრეტული ცოდნა/უნარები. პროგრამის ხანგრძლივობა 10 კვირა, რაც მოიცავს 120 საათს (კვირეული საათობრივი დატვირთვა 12 საათი). პროგრამა მოიცავს, როგორც თეორიულ, ასევე პრაქტიკულ მეცადინეობას. პროგრამა ითვალისწინებს სამუშაოზე დაფუძნებული სწავლების ფორმას და სწავლება ხორციელდება სასწავლებლის ბაზაზე. კურსდამთავრებულს შეეძლება დასაქმდეს სპორტულ დარბაზებსა და სპორტულ კლუბებში, აუზებზე - კლასიკური მასაჟის კაბინეტის არსებობის შემთხვევაში. ესთეტიკურ ცენტრებში, სპა ცენტრებში, ჰიგიენური პროფილის სალონებში, სასტუმროებში, კურორტებზე, ველნეს ცენტრებში. ასევე, ექნება თვითდასაქმების შესაძლებლობაც. პროფესიული მომზადების პროგრამით გათვალისწინებული სწავლის შედეგების დადასტურების შემდეგ, კურსდამთავრებული მიიღებს სახელმწიფოს მიერ აღიარებულ სერტიფიკატს დანართით.

პროგრამის მიზანია, მოამზადოს და შრომის ბაზარს მიაწოდოს კვალიფიციური კლასიკური მასაჟის სპეციალისტები, რომლებიც შეძლებენ პროგრამის ფარგლებში მიღებული თეორიული ცოდნისა და გამომუშავებული პრაქტიკული უნარების საფუძველზე ხარისხიანად შეასრულონ მათზე დაკისრებული მოვალეობები. ასევე, პროგრამის მიზანია, მსმენელებში განავითაროს ისეთი ცოდნა, უნარები და კომპეტენციები, რომლებიც დაეხმარებათ მათ დასაქმებაში/ თვითდასაქმებაში.