სსიპ - კოლეჯი „სპექტრი“

პროგრამის კურსდამთავრებული შეიძლება დასაქმდეს ნებისმიერ სახელმწიფო ან კერძო საწარმოში, რომლის საქმიანობა დაკავშირებული იქნება მძიმე სამშენებლო ტექნიკის (ჰიდრავლიკური ექსკავატორი, ავტოგრეიდერი და სატვირთველი) ოპერირებასთან, ასევე შესაძლებელია თვითდასაქმებაც სხვადასხვა სამშენებლო თუ სასოფლო სამეურნეო ობიექტებზე, სადაც კურსდამთავრებული შეასრულებს ისეთ სამუშაოებს, როგორიცაა მიწის ამოთხრა/მოსწორება, სარწყავი არხების ამოჭრა/გაწმენდა, გზების გაწმენდა ხერგილებისგან და სხვადასხვა ტიპის სამაშველო სამუშაოების შესრულება. პროფესიული მომზადების სასერტიფიკატო პროგრამა „მძიმე ტექნიკის (ჰიდრავლიკური ექსკავატორი, ავტოგრეიდერი და სხვადასხვა ტიპის სატვირთველი) მართვა“ შედგება 6 სწავლის შედეგისგან, საიდანაც კომპეტენციების მინიმუმ 80% გამომუშავება ხდება უშუალოდ პრაქტიკული სამუშაო გარემოს სიმულატორების გამოყენებით. მსმენელი შეისწავლის სამი სხვადასხვა ტექნიკით ოპერირებას 9 კვირის განმავლობაში (კვირაში 24 სთ), სულ 200საკონტაქტო საათი. პროგრამის წარმატებით დასრულების შემდეგ მსმენელი მიიღებს შეძენილი ცოდნა-უნარების დამადასტურებელ სახელმწიფო სერტიფიკატს.

პროფესიული მომზადების პროგრამის „მძიმე ტექნიკის (ჰიდრავლიკური ექსკავატორი, ავტოგრეიდერი და სხვადასხვა ტიპის სატვირთველი) მართვა“ მიზანია მრეწველობაში, მათ შორის მშენებლობაში, სოფლის მეურნეობაში, სასაწყობე მეურნეობებში გამოყენებული ძირითადი სამშენებლო მძიმე ტექნიკის, კერძოდ, ჰიდრავლიკური ექსკავატორის, ავტოგრეიდერის, სხვადასხვა ტიპის სატვირთველის უსაფრთხოდ ოპერირებისათვის სპეციალისტების მომზადება.