შპს მარნეულის კოლეჯი

პროგრამა განკუთვნილია ბაგა-ბაღში მომუშავე პრაქტიკოსების, ან თვითდასაქმებული პირებისათვის რომელნიც ჩართული არინ საქმიანობით განათლების სფეროში, აქვთ სრული ზოგადი განათლება და საგანმანათლებლო დაწესებულებაში სააღმზრდელო პროცესში მუშაობის სულ მცირე ექვსთვიანი სამუშაო გამოცდილება ან განათლების სფეროში შესაბამისი კვალიფიკაცია (აღმზრდელი, აღმზრდელ-პედაგოგი, პედაგოგი, მასწავლებელი და სხვა) . სსსმ ბავშვებთან მუშაობა ერთერთი აქტუალური პროგრამაა რეგიონში, სადაც ფუნქციონირებს და იხსნება ათეულობით ახალი საგანმანათლებლო დაწესებულება, ინკლუზიური განათლების ხელშეწყობის კვალიფიციური უნარები კი დეფიციტშია. ამ პროგრამის სწავლების შემდეგ კურსდამთავრებულს შეეძლება ხელი შეუწყოს სპეციალური საგანმანათლებლო საჭიროების მქონე ბავშვის სათანადო განვითარებას, ბავშვის განვითარებაში პრობლემის დროულ იდენტიფიკაციას და საჭიროებებზე მორგებულ აღზრდა-განათლებას. მისი უნარების განვითარების სტიმულირებას და სკოლისთვის მზაობას, დაეხმარება განსაკუთრებული საჭიროების მქონე ბავშვების ოჯახებს. მსმენელთა განმავითარებელი შეფასება ჩატარდება ყოველი სწავლის შედეგის დასრულების შემდეგ, ხოლო განმსაზღვრელი შეფასება ჩატარდება ბოლო კვირაში განმსაზღვრელი შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა ბ) სწავლის შედეგი ვერ დადასტურდა. სწავლის შედეგების დადასტურების შემდეგ, მსმენელს გადაეცემა სახელმწიფოს მიერ აღიარებული სერტიფიკატი.

პროფესიული საგანმანათლებლო პროგრამის მიზანია ისეთი უნარების მქონე პრის მომზადება და ცოდნით აღჭურვა, რომელიც შეძლებს სკოლამდელ და სკოლის ასაკში სსსმ ბავშვზე ზრუნვას, მისი ადაპტაციის უზრუნველყოფას სოციუმში, დამოუკიდებლობასთან დაკავშირებული საბაზისო უნარჩვევების განვითარებას. რომელსაც შეუძლია ინკლუზიური განათლების ღირებულებებისა და პრინციპების გააზრება, სსსმ ბავშვებთან მუშაობის სტრატეგიის განსაზღვრა, ასევე ამ პროცესში ბავშვის სოციუმთან, სკოლამდელი და სკოლის აღზრდისა და განათლების დაწესებულების კოლექტივთან, სფეროს წარმომადგენლებთან კომუნიკაცია ბავშვის მოთხოვნილებების გათვალისწინებით.