სსიპ - კოლეჯი "აისი"

თმის შეჭრა, შეღებვა და ვარცხნილობების გაკეთება - პროფესიული მომზადების პროგრამაზე სწავლა შეუძლია ყველა დაინტერესებულ მინიმუმ საბაზო განათლების მქონე პირს. პროფესიული მომზადების პროგრამის ხანგრძლივობა შეადგენს 13 კვირას, კვირაში - 20 საათი, სულ 260 სთ. პროფესიული მომზადების პროგრამით გათვალისწინებულია როგორც თეორიული ცოდნის შეძენა, ასევე პრაქტიკული უნარების განვითარება. სწავლება განხორციელდება მაღალი კვალიფიკაციის და პრაქტიკული გამოცდილების მქონე სპეციალისტების მიერ. სწავლის შედეგების მიღწევა განხორციელდება კოლეჯის ბაზაზე, სტანდარტის მოთხოვნის შესაბამისად აღჭურვილ სასწავლო აუდიტორიასა (A გარემო) და სასწავლო სახელოსნოში (C გარემო). პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ სერტიფიკატს - დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.

თმის შეჭრა, შეღებვა და ვარცხნილობების გაკეთება - პროფესიული მომზადების პროგრამის მიზანია მოამზადოს პირი, რომელიც შეძლებს საპარიკმახერო სფეროში დამოუკიდებლად თავის დაბანას, თმის შეჭრას, წვერ-ულვაშისა და ბაკენბარდების მოდელირებას, შეჭრილი თმისათვის საბოლოო ფორმის მიცემას, პალიტრის წაკითხვას, საღებავების კლასიფიცირებას და შესაღებად საჭირო პროდუქციის შერჩევას, სხვადასხვა საშუალებისა და ხერხების გამოყენებით თმის შეღებვას, თმის ფერის შეცვლას გაღიავების გარეშე, თმის გაღიავებას, მელირებასა და ვარცხნილობების გაკეთებას.