სსიპ - კოლეჯი "ახალი ტალღა"

პროგრამა შემუშავებულია შრომის ბაზრის მოთხოვნების გათვალისწინებით სასტუმროს ფინანსური მენეჯერების ჩართულობით. პროფესიული მომზადების პროგრამაზე ,,ბუღალტრული აღრიცხვა სასტუმრო ინდუსტრიისთვის’’ სწავლა შეუძლია მინიმუმ 18 წლის პირს, სრული ზოგადი განათლებით, რომელსაც აქვს სურვილი მოკლე დროში მიიღოს კონკრეტული ცოდნა/უნარები და დასაქმდეს სასტუმრო ინდუსტრიის სფეროში საბუღალტრო მიმართულებით.სწავლება ხორციელდება 14 კვირის მანძილზე, 20 საათი კვირეული დატვირთვით. პროფესიული მომზადების პროგრამა ხორციელდება სსიპ კოლეჯში ,,ახალი ტალღა’’ და ყველა სწავლის შედეგი მიიღწევა დაწესებულებაში; კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით;

პროგრამის მიზნები: შრომის ბაზრის მოთხოვნების გათვალისწინებით მოამზადოს კონკრეტული ცოდნისა და უნარების მქონე კადრი, რომელიც შეძლებს ბუღალტრული აღრიცხვის წარმოებას სასტუმრო ინდუსტრიის სფეროში; შრომის ბაზარზე კურსდამთავრებულის კონკურენტუნარიანობის ხელშეწყობა;