შპს საქართველოს ბიზნესის აკადემია - SBA

პროგრამა განკუთვნილია ყველა დაინტერესებული პირისთვის, რომლებსაც სურთ მონაწილეობა მიიღონ სახელმწიფო შესყიდვების პროცესში, იურიდიული პირის სახელით. დაარეგისტრირონ იურიდიული პირი შესყიდვების ერთიან ელექტრონულ სისტემაში, განათავსონ სატენდერო განაცხადები და სატენდერო დოკუმენტაცია, მონაწილეობა მიიღონ შესყიდვების პროცესში, შესყიდვის საშუალების შესაბამისად. პროგრამა ხორციელდება სამუშაოზე დაფუძნებული სწავლების ფორმით, პრაქტიკული ქეისების გამოყენებით, სიმულაციური მოდულის გამოყენებით. პროგრამის წარმატებით დასრულების შემთხვევაში, გაიცემა სახელმწიფოს მიერ აღიარებული სერტიფიკატი და სერტიფიკატის დანართი.

პროგრამა მიზნად ისახავს მსმენელებს შეასწავლოს შესყიდვების ელექტრონულ სისტემაში მუშაობა, რათა მათ სამეწარმეო იურიდიული პირების სახელით შეძლონ მონაწილეობა ელექტრონულ ტენდერებში, როგორც შემსყიდველის, ისე მიმწოდებლის სტატუსით. აღნიშნული კომპეტენციების განვითარება ერთის მხრივ ხელს შეუწყობს სახელმწიფო შესყიდვების პროცესში შემსყიდველის მხრიდან არსებული რისკების შემცირებას, ხოლო მეორეს მხრივ გაზრდის მეწარმე იურიდიული პირების შესაძლებლობებს განახორციელონ საკუთარი საქონლის, მომსახურების და სამუშაოს შეთავაზება სახელმწიფო დაწესებულებებისათვის. ამ კომპეტენციებს განსაკუთრებული მნიშვნელობა ენიჭება ქვეყანაში კონკურენტუნარიანობის გაზრდისა და პოსტპანდემიური ეკონომიკის გაჯანსაღების პროცესში.