სსიპ - ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების კოლეჯი

პროგრამა, რომელიც 16 კვირა (162 საათი) გრძელდება, მოიცავს როგორც თეორიულ, ისე პრაქტიკულ საკითხებს. პროგრამა გაჯერებულია პრაქტიკული სამუშაოებით როგორც კოლეჯში, ისე „კიკალა სტუდიოში“, რაც სარეკლამო ფოტოგრაფის პროფესიული უნარების განვითარებას შეუწყობს ხელს. პროგრამის მიზანია მსმენელს ასწავლოს ფოტო ტექნიკისა და აქსესუარების, ბუნებრივი და ხელოვნური სინათლის მართვა, სარეკლამო ჟანრული ფოტოსურათების გადაღება სტუდიაში, ინტერიერსა და ექსტერიერში, ფოტოსურათის დამუშავება სასაქონლო ფორმის მისაცემად, დამკვეთთან მუშაობა, სარეკლამო ფოტოპროექტის მომზადება და მართვა. ჩამოთვლილი მიზნების მისაღწევად მსმენელი გაეცნობა სხვადასხვა ტიპის განათების ხელსაწყოებს, ფოტოკამერებს, აქსესუარებს, სტუდიურ გარემოს და ფოტოსურათის რედაქტორ პროგრამებს. შეისწავლის განსხვავებებს ინტერიერსა და ნატურაზე მუშაობის პირობებში; აგრეთვე მუშაობის კომპლექურ პირობებში. პროგრამა მსმენელებს მისცემს არა მხოლოდ ცოდნას, არამედ დასაქმების რეალურ შანსს ფოტოსტუდიებში, სარეკლამო გამომცემლობებსა და ელექტრონულ მედიაში, აგრეთვე შეეძლება დასაქმება ფრილანსერის ფორმით.

პირის მომზადება, რომელიც განახორციელებს სარეკლამო ჟანრული ფოტოსურათების გადაღებას სტუდიაში, ინტერიერსა და ექსტერიერში და მის დამუშავებას ფოტორედაქტორ პროგრამებში სასაქონლო ფორმის მისაცემად. კურსდამთავრებულს შეეძლება სარეკლამო ფოტოპროექტის მომზადება და მართვა, თვითრეკლამირება და დამკვეთთან მუშაობა.