სსიპ - კოლეჯი "აისი"

ქართული და უცხოური კერძების მომზადება - პროფესიული მომზადების პროგრამაზე სწავლა შეუძლია ყველა დაინტერესებულ მინიმუმ საბაზო განათლების მქონე პირს. პროგრამის ხანგრძლივობა შეადგენს 14 კვირას, კვირაში - 25 საათი, სულ 350 სთ. პროფესიული მომზადების პროგრამით გათვალისწინებულია როგორც თეორიული ცოდნის შეძენა, ასევე პრაქტიკული უნარების განვითარება. სწავლება განხორციელდება მაღალი კვალიფიკაციის და პრაქტიკული გამოცდილების მქონე სპეციალისტების მიერ. სწავლის შედეგების მიღწევა განხორციელდება კოლეჯის ბაზაზე, სტანდარტის მოთხოვნის შესაბამისად აღჭურვილ A და C გარემოში. პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ სერტიფიკატს - დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.

ქართული და უცხოური კერძების მომზადება - პროფესიული მომზადების პროგრამის მიზანია მოამზადოს პირი, რომელიც შეძლებს საქონლის, ხბოს ხორცისა და სუბპროდუქტებისგან კერძების, მათ შორის წვნიანი კერძების მომზადებას, ღორის ხორცისა და სუბპროდუქტებისგან კერძების მომზადებას, ფრინველის ხორცისა და სუბპროდუქტებისგან კერძების, მათ შორის წვნიანი კერძების მომზადებას, ბოსტნეულისა და ბაღჩეულისაგან წვნიანი კერძების მომზადებას, სხვადასხვა ქვეყნის სამზარეულოების გავრცელებული (ძირითადი კერძების) წვნიანი კერძების, სალათების, გარნირების მომზადებას, სწრაფი კვების ობიექტების ნაწარმის - ბურგერების, ცხელი სენდვიჩების, ვრაპსებისა და ბურიტოების მომზადებას, გრილის დანადგარების შერჩევას და სხვადასხვა კვების პროდუქტის მომზადებას გრილზე (ფრინველის და საქონლის ხორცი, ზღვის პროდუქტი, ბოსტნეული და ხილი)