სსიპ - კოლეჯი "ბლექსი"

პროფესიული მომზადების პროგრამაზე - „კერძების მომზადების ტექნოლოგია“ სწავლა შეუძლია საბაზო განათლების მქონე, 18 წელს მიღწეულ პირს, რომელსაც აქვს სურვილი მიიღოს ცოდნა აღნიშნული მიმართულებით, შეიძინოს თეორიული ცოდნა და პრაქტიკული უნარები, გახდეს კვალიფიციური და კონკურენტუნარიანი კადრი შრომის ბაზარზე არსებული მოთხოვნების შესაბამისად. პროფესიული მომზადების პროგრამაზე - „კერძების მომზადების ტექნოლოგია“ სწავლება ხორციელდება სამუშაოზე დაფუძნებული სწავლების მეთოდოლოგიით დარგის მაღალკვალიფიციური პროფესიული განათლების მასწავლებლების მიერ, სანიტარულ - ჰიგიენური მოთხოვნების თანამედროვე რეგულაციების გათვალისწინებით. პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდა და უნარები.

პროგრამის მიზანია, შრომის ბაზრის მოთხოვნების გათვალისწინებით მოამზადოს კადრი, რომელსაც ექნება თეორიული ცოდნა და პრაქტიკული უნარები ქართული და საერთაშორისო სამზარეულოს ძირითადი კერძების მომზადების ტექნოლოგიაში. პროგრამის მიზანია, პირს შეასწავლოს თითოეული კერძისთვის შესაბამისი საკვები პროდუქტისა და ნედლეულის არჩევა, ხარისხის შემოწმება, ნახევარფაბრიკატების მომზადება, ნედლეულისა და პროდუქტის თერმული დამუშავება, სხვადასხვა მეთოდის გამოყენებით ქართული, საერთაშორისო კერძებისა და ცომეული ნაწარმის მომზადება/ შენახვა სანიტარულ-ჰიგიენური ნორმებისა და სურსათის უვნებლობის თანამედროვე რეგულაციების დაცვით.