შპს ბიზნესისა და ტექნოლოგიების აკადემია

პროფესიული მომზადების პროგრამაზე „რესტორნის მომსახურე პერსონალი (მიმტანი)“ სწავლა შეუძლია ყველა დაინტერესებულ სრულწლოვან პირს , რომელსაც აქვს მინიმუმ საბაზო ზოგადი განათლება, ფლობს ინგლისურ ენას B1 დონეზე. პროგრამის ხანგრძლივობა შეადგენს 9 კვირას, კვირაში - 20 საათი, სულ 180 პროგრამის მოცულობა საათია. პროფესიული მომზადების პროგრამით გათვალისწინებულია როგორც თეორიული ცოდნის შეძენა, ასევე პრაქტიკული უნარების განვითარება. სწავლება განხორციელდება მაღალი კვალიფიკაციის და პრაქტიკული გამოცდილების მქონე სპეციალისტების მიერ. სწავლის შედეგების მიღწევა განხორციელდება კოლეჯის ბაზაზე თანამედროვე სტანდარტებით აღჭურვილ A C და B და გარემოში. პროფესიული მომზადების პროგრამის მსმენელების შეფასებისთვის გამოყენებული იქნება განმავითარებელი და განმსაზღვრელი შეფასება. განმსაზღვრელი შეფასება (გამოცდა) ჩატარდება პროგრამის ბოლოს, რომლის დროსაც შეფასდება მსმენელების თეორიული ცოდნა (გამოკითხვა) და პრაქტიკული უნარები (პრაქტიკული დავალება, პრაქტიკული დავალება დაკვირვებით). პროგრამის დასრულების შემდეგ მსმენელებს გადაეცემათ სახელმწიფოს მიერ აღიარებული სერტიფიკატი დანართით; კურსდამთავრებულები დასაქმებას შეძლებენ სხვადასხვა ტიპის სასტუმროში, რექტორანში და სხვადასხვა ტიპის ორგანიზაციებში, სადაც საკვებითა და სასმელით უმასპინძლდებიან კლიენტებს.

პროგრამის მიზანია შრომის ბაზრის მოთხოვნების შესაბამისად მოამზადოს კვალიფიციური პირი, რომელსაც შეუძლია რესტორნის მომსახურე პერსონალის(მიმტანი) ფუნქციების და პროფესიის მიმოხილვა ადგილობრივ და საერთაშორისო ჭრილში; კომპეტენციების ფარგლებში უსაფრთხო სამუშაო გარემოს უზრუნველყოფა; ინვენტარის სახეობების, სერვირების ტიპებისა და სტანდარტების შესაბამისად მაგიდის სერვირება; გაყიდვების ეფექტური ტექნიკების გამოყენება; შეკვეთის მიღება და შესრულება, სპეცმომსახურებისა და ოთახში მომსახურების (Room Service) გაწევა; კოლეგებთან და სტუმრებთან ეფექტური კომუნიკაციის ტექნიკების გამოყენება, პროფესიული ეთიკის ნორმების და პროფესიისადმი წაყენებული მოთხოვნების დაცვა ქართული სტუმარ-მასპინძლობის ელემენეტების გამოყენებით.