შპს ბიზნესისა და ტექნოლოგიების აკადემია

პროფესიული მომზადების პროგრამაზე „გარემოსდაცვითი მმართველი“ სწავლა შეუძლია ყველა დაინტერესებულ პირს, რომელსაც აქვს სრული ზოგადი განათლება და სურვილი აქვს მოკლე დროში შეიძინოს თეორიული ცოდნა / უნარები პროგრამის ფარგლებში. მომზადების პროგრამის მოცულობა 120 საათია, შეფასებას დაეთმობა 3 საათი. პროგრამა განხორციელდება 8 კვირის განმავლობაში, კვირეული დატვირთვა 15 სთ, პროგრამა განხორციელდება აკადემიის A და AC გარემოებში, რომელიც აღჭურვილია პროგრამის სწავლის შედეგების მისაღწევად საჭირო მატერიალურ-ტექნიკური რესურსებით. პროფესიული მომზადების პროგრამის მსმენელების შეფასება განხორციელდება გამოკითხვით, პრაქტიკული დავალებისა და პრაქტიკული დავალება დაკვირვებით შესრულებით; შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა; ბ) სწავლის შედეგი ვერ დადასტურდა პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ, კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით. კურსდამთავრებულს შეუძლია დასაქმდეს ნებისმიერი ტიპის ორგანიზაციაში გარემოსდაცვით საკითხებზე პასუხისმგებელ პოზიციაზე, მათ შორის გარემოსდაცვით მმართველად.

პროგრამის მიზანია მოამზადოს შრომის ბაზრისთვის კონკურენტუნარიანი კადრი რომელსაც ეცოდინება გარემოს დაცვითი საერთაშორისო კონვენციები და ეროვნული კანონმდებლობა, გარემოსდაცვითი მართვის ორგანიზაციული სისტემის არსი, შეეძლება დაბინძურების ზემოქმედების გავლენის შეფასება და რეაგირება გარემოსდაცვით პრობლემებზე, გარემოსდაცვითი სისტემის აუდიტი , გარემოსდაცვითი სწავლებების ჩატარება და ანგარიშგება, ინციდენტების რეგისტრაცია და აღრიცხვა.