შპს საქართველოს ბიზნესის აკადემია - SBA

პროგრამა განკუთვნილია იმ პირებისათვის, რომლებიც, სულ მცირე, ფლობენ სრულ ზოგად განათლებას და აქვთ სურვილი შეისწავლონ საავტომობილო გადაზიდვებთან დაკავშირებული პროცედურები. პროგრამის მოცულობა 160 საათია, თეორიულ სწავლებას დაეთმობა 48 საათი, პრაქტიკულ სწავლებას - 106 საათი, შეფასებას - 6 საათი. სწავლების განმავლობაში თეორიულ კომპონენტს მსმენელები გაივლიან აკადემიის A სასწავლო გარემოში, პრაქტიკულ სწავლებას A და B სასწავლო გარემოში და აკადემიის პარტნიორ ორგანიზაციაში (10 საათი). ასევე, თეორიული და პრაქტიკული კომპონენტის (გარდა პარტნიორ ორგანიზაციაში გასატარებელი კომპონენტებისა) სწავლება შესაძლებელია დისტანციურად კანონმდებლობით დადგენილი წესით, MS TEAMS-ის ელექტრონულ პლატფორმაზე. მსმენელთა განმავითარებელი შეფასებები ტარდება სწავლების პარალელურად, როგორც თეორიულ, ისე პრაქტიკულ კომპონენტში. განმსაზღვრელი შეფასება ტარდება მე-10 კვირას. შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა; ბ) სწავლის შედეგი ვერ დადასტურდა პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ, კურსდამთავრებული მიიღებს სახელმწიფოს მიერ აღიარებულ სერტიფიკატს და სერტიფიკატის დანართს.

პროგრამის მიზანია მსმენელთათვის დასაქმებისათვის საჭირო ისეთი უნარების განვითარება, რომელთა გამოყენებითაც შეძლებენ საავტომობილო გადაზიდვების მარშრუტების დაგეგმვას, ხარჯთაღრიცხვების მომზადებასა და შესაბამისი დოკუმენტების წარმოებას, დარგის თანამედროვე მიდგომების გათვალისწინებით. პროგრამის ფარგლებში, მსმენელები იმუშავებენ საავტომობილო გადაზიდვების ციფრულ პლატფორმაზე.