სსიპ - კოლეჯი "ბლექსი"

პროფესიული მომზადების პროგრამა განკუთვნილია ყველა დაინტერესებული სრულწლოვანი პირისთვის, ვისაც სურს მოკლე დროში შეიძინოს კონკრეტული ცოდნა და უნარები ნარჩენების მართვის სფეროში. პროგრამა ასევე, განკუთვნილია იმ ორგანიზაციებისა და კომპანიების თანამშრომლებისთვის, რომელთაც მუშაობის პროცესში წარმოექმნებათ სხვადასხვა ტიპის ნარჩენები და ვალდებულნი არიან შეიმუშავონ და განახორციელონ ნარჩენების მართვის გეგმა. სწავლების პროცესს გაუძღვებიან, მაღალკვალიფიციური სპეციალისტები საჯარო და კერძო სექტორებიდან. მათ შორის გარემოსდაცვითი ექსპერტები, რომლებიც მრავალწლიანი გამოცდილებით უზრუნველყოფენ პროგრამის ეფექტურ და საფუძვლიან განხორციელებას. პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდა და უნარები.

პროგრამის მიზანია შრომის ბაზრის მოთხოვნების გათვალისწინებით მოამზადოს კონკრეტული ცოდნისა და უნარების მქონე კვალიფიციური კადრები, რომელიც შეძლებენ სახიფათო, არასახიფათო და ინერტული ნარჩენების მართვას.