სსიპ - კოლეჯი "ახალი ტალღა"

პროფესიული მომზადების პროგრამაზე სწავლა შეუძლია ყველა დაინტერესებულ სრულწლოვან საშუალო განათლების მქონე პირს, რომელსაც აქვს სურვილი მოკლე დროში მიიღოს კონკრეტული ცოდნა/უნარები, გაიაროს პრაქტიკა და დასაქმდეს აღნიშნული მიმართულებით. სწავლება განხორციელდება მაღალკვალიფიციური სპეციალისტების მიერ, შრომის უსაფრთხოების თანამედროვე რეგულაციების გათვალისწინებით. კოლეჯში კვირეული დატვირთვა არის 25 საათი და საწარმოო პრაქტიკის კომპონენტის განხორციელების დროს კვირეული დატვირთვა არის 25 საათი. პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები. პროფესიული მომზადების პროგრამა არის უმოკლესი გზა დასაქმებისაკენ.

პროგრამის მიზანია, მსმენელი მოკლე დროში აღიჭურვოს იმ ცოდნითა და პროფესიული უნარ-ჩვევებით, რომელებიც მას რეალურად გამოადგება აღნიშნული სპეციალობით წარმატებული მუშაობისთვის. შეასწავლოს მას დასაქმების შესაძლებლობები და შესაბამისი დოკუმენტაციის მომზადება , ზეპირი და წერილობითი კომუნიკაცია საქმიანობასთან დაკავშირებულ საკითხებზე , შენობა-ნაგებობისა და შენობა-ნაგებობაში არსებული საკომუნიკაციო სისტემების დაზიანებებისა და დეფექტების აღმოფხვრის გზები , შენობა-ნაგებობების საკუთრებაში არსებულ ტერიტორიაზე ინფრასტრუქტურის დაზიანებებისა და დეფექტების აღმოფხვრის გზები, უსაფრთხო საცხოვრებელი გარემოს შექმნისთვის საჭირო უსაფრთხოების სავალდებულო ღონისძიებები.