სსიპ - კოლეჯი „მერმისი“

პროფესიული მომზადების პროგრამა განკუთვნილია პირებისათვის, რომლებსაც სურვილი აქვთ დასაქმდნენ საბუღალტრო და საფინანსო სამსახურებში, ბუღალტრის თანაშემწედ/ასისტენტად, ბუღალტერ-მოანგარიშედ. შესაძლებელია თვითდასაქმებაც, კერძო პროფესიული პრაქტიკის განხორციელების გზით. პროფესიული მომზადების პროგრამის მოცულობა შეადგენს 338სთ. მსმენელთა მომზადება განხორციელდება 17 კვირის განმავლობაში. კვირეული დატვირთვა შეადგენს 20 სთ., მე-14 და მე–17კვირას 19სთ-ს. შეფასება ითვალისწინებს მხოლოდ ჩათვლის პრინციპზე დაფუნებული (კომპეტენციების დადასტურებაზე) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა; ბ) სწავლის შედეგი ვერ დადასტურდა. პროფესიული მომზადების პროგრამის ფარგლებში გათვალისწინებული სწავლის შედეგის მიღწევის შემდეგ კურსდამთავრებული მიიღებს პროფესიული კვალიფიკაციის ნაწილის დამადასტურებელ, სახელმწიფოს მიერ აღიარებულ პროფესიული განათლების სერტიფიკატს დანართით, რომელშიც ფიქსირდება კურსდამთავრებულის მიერ პროგრამის ფარგლებში მიღწეული სწავლის შედეგები.

პროგრამის მიზანია, მოამზადოს და შესთავაზოს შრომის ბაზარს კვალიფიციური ბუღალტერი, რომელიც შეძლებს ყველა ტიპის ორგანიზაციის სააღრიცხვო პოლიტიკის შედგენას და მისი განხორციელებისათვის ყველა სამეურნეო ოპერაციის ასახვას შესაბამის პირველადი სააღრიცხვო დოკუმენტებსა და კრებსითი უწყისებში, ბუღალტრული გატარებების შესრულებას საბუღალტრო კომპიუტერულ პროგრამაში, შემოსავლების სამსახურის ვებ.გვერდზე მუშაობას: დეკლარაციების შედგენას და გაგზავნას, ასევე ფინანსური ანგარიშგებების მომზადებას და წარდგენას როგორც შიდა,ისე გარე მომხმარებლებისათვის.