ა(ა)იპ - საერთაშორისო განათლების აკადემია ბიდისი

კურსი განკუთვნილია ნებისმიერი პირისთვის, ვინც ფლობს მინიმუმ სრულ ზოგად განათლებას, ასევე ბიზნესმენებისა და ნებისმიერი პროფესიის ადამიანისთვის, ვისაც სურს მიიღოს ცოდნა ბუღალტერიასა და საგადასახადო დაბეგვრაში. კურსის ხანგრძლივობა შეადგენს 3 თვეს (192 საათი) და მოიცავს: ბუღალტრული აღრიცხვის საერთაშორისო სტანდარტებისა და საქართველოს საგადასახადო კოდექსის გაცნობასა და ასევე საბუღალტრო პროგრმის ORIS-ის შესწავლას. კურსის პრაქტიკული კომპონენტი ხორციელდება პარტნიორ კომპანიასთან ერთობლივად, რაც მსმენელებს საშუალებას აძლევს დაამუშავონ მოქმედი კომპანიების საბუღალტრო დოკუმენტაცია, პრაქტიკულად შეასრულონ ყველა ის პროცედურა, მათ შორის საბუღალტრო და საგადასახადო აღრიცხვა, რაც ბუღალტრის ყოველდღიურ საქმიანობას წარმოადგენს. პროფესიონალთა გუნდში მუშაობა და მათი გამოცდილების გაზიარება საშუალებას აძლევს მსმენელებს შეიძინონ ის უნარ-ჩვევები, რომლებიც ხელს შეუწყობს ბუღალტრული ოპერაციების პრაქტიკულად განხორციელებას. გაითავისონ პროფესიული საქმიანობისას გუნდში მუშაობისა და კოლეგებთან პროფესიული კომუნიკაციის თავისებურებები, გახდნენ მეტად თავდაჯერებულები და კონკურენტუნარიანები.

პროგრამის მიზანია, შრომის ბაზარის მოთხოვნების გათვალსიწინებით, მოამზადოს ბუღალტერი, რომელიც შეძლებს, ბუღალტრული აღრიცხვის საერთაშორისო სტანდარტებისა და საქართველოს საგადასახადო კოდექსის მოთხოვნების შესაბამისად, საგადასახადო და საბუღალტრო დავალებების გადაჭრას, საჭირო დოკუმენტაციის შედგენა-გატარებების ასახვას პორტალსა და საბუღალტრო პროგრამაში (ORIS ).