სსიპ - კოლეჯი "ახალი ტალღა"

პროფესიული მომზადების პროგრამა ,, ელექტროსამონტაჟო სამუშაოების წარმოება’’, შემუშავებულია შრომის ბაზრის მოთხოვნების შესაბამისად. პროგრამის დასრულების შემდეგ კურსდამთავრებულს შეუძლია დაბალი ძაბვის ელექტროსამონტაჟო სამუშაოების შესრულება საშინაო და მცირე საწარმოო გარემოში. შეძლებს ელექტრული წრედებისა და განათების მონტაჟსა და შემოწმებას შრომის უსაფრთხოების უახლესი რეგულაციების გათვალისწინებით. პროგრამაზე სწავლა შეუძლია ყველა დაინტერესებულ პირს, მინიმუმ 18 წლის-საბაზო განათლებით, რომელსაც აქვს სურვილი მოკლე დროში მიიღოს კონკრეტული ცოდნა/პროფესიული უნარები და დასაქმდეს ამ მიმართულებით. პროგრამის ხანგრძლივობაა 12 კვირა და მოიცავს 250 საკონტაქტო საათს. პროფესიული მომზადების პროგრამის ყველა სწავლის შედეგი მიიღწევა საგანმანათლებლო დაწესებულებაში მაღალკვალიფიციური სპეციალისტების მიერ, თანამედროვე სწავლების მეთოდებითა და შრომის უსაფრთხოების რეგულაციების გათვალისწინებით. პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.

პროგრამის მიზანია შრომის ბაზრის მოთხოვნების გათვალისწინებით მოამზადოს კონკრეტული ცოდნისა და უნარების მქონე კვალიფიციური კადრი, რომელიც შეძლებს დაბალი ძაბვის ელექტროსამონტაჟო სამუშაოების შესრულებას საშინაო და მცირე საწარმოო გარემოში. შეძლებს ელექტრული წრედებისა და განათების მონტაჟსა და შემოწმებას შრომის უსაფრთხოების უახლესი რეგულაციების გათვალისწინებით.