სსიპ - კოლეჯი "ქართლი"

პროფესიული მომზადების პროგრამის - „ზოგადი ელექტრო სამონტაჟო სამუშაოების“ სასწავლო თემატიკა მოიცავს ზოგადი ელექტრო სამონტაჟო სამუშაოების იმ ძირითად საკითხებს, რომელთა შესწავლის შემდეგ კურსდამთავრებულები უმოკლეს ვადებში შეძლებენ ელექტრო მემონტაჟის მოთხოვნადი სპეციალობით თვითდასაქმება-დასაქმებას ინდივიდუალურ საწარმოში და/ან ენერგეტიკის, სარკინიგზო, სამშენებლო, ინფრასტრუქტურულ, საწარმოო და სხვა დარგობრივ დაწესებულებაში, როგორც ადგილობვრივ, ისე საერთაშორისო შრომით ბაზარზე. პროგრამის დასრულების შემდეგ კურსდამთავრებულები შეძლებენ: -ზოგადი ელექტრო სამონტაჟო სამუშაოების შესასრულებლად გამოსაყენებელი მასალებისა და უსაფრთხოების წესების დაცვას -ელექტრული სქემებისა და სამშენებლო ნახაზების წაკითხვას -ელექტრო სამონტაჟო სამუშაოების შესრულებას -წრედის იზოლაციისა და წრედის დაცვის მექანიზმების, დამიწების კონტურის მოწყობას პროგრამის ხანგრძლივობაა 13 კვირა, 200 საკონტაქტო საათი, კვირაში 15-20 საათის დატვირთულობით და მოიცავს თეორიული სწავლების, პრაქტიკული უნარების განვითარებისა და შეფასებების ნაწილებს. პროგრამა განხორციელდება კოლეჯის სასწავლო აუდიტორიასა და სასწავლო სახელოსნოში, მაღალკვალიფიციური სპეციალისტების მიერ, შრომის უსაფრთხოების თანამედროვე რეგულაციების გათვალისწინებით. პროგრამის დასრულების შემდეგ, წარმატებულ კურსდამთავრებულებს გადაეცემათ სახელმწიფოს მიერ აღიარებული პროფესიული განათლების დამადასტურებელი დოკუმენტი - სერთიფიკატი.

„ზოგადი ელექტრო სამონტაჟო სამუშაოების“ მოკლევადიანი პროფესიული მომზადების პროგრამის განხორციელების ძირითადი მიზანია ელექტროობის მიმართულებით პროფესიის პოპულარიზაცია, ზოგადი ელექტრო სამონტაჟო სამუშაოს შემსრულებლის სპეციალისტების მომზადება და კურსდამთავრებულთა დასაქმება-თვითდასაქმების მხარდაჭერა - ადგილობრივ/რეგიონალურ შრომით ბაზარზე როგორც მიმდინარე ეტაპზე არსებული ამ მიმართულების სპეციალობის დეფიციტის შევსება, ისე მათზე სამომავლო მოთხოვნების უზრუნველყოფა.