სსიპ - კოლეჯი „სპექტრი“

„შემდუღებელი (ელექტრორკალური)“ პროფესიული მომზადების პროგრამის კურსდამთავრებულს შეუძლია სამუშაო ადგილის უსაფრთხოდ ორგანიზება, შესასრულებელი სამუშაოს შესაბამისად აღჭურვილობისა და ინსტრუმენტების შერჩევა და მომზადება, უსაფრთხოების წესების დაცვით შესადუღებელი დეტალების ხელით ელექტრორკალური შედუღება. პროგრამის სრულად ათვისების შემდეგ მსმენელი მიიღებს სახელმწიფო სერთიფიკატს. კურსდამთავრებული შეიძლება დასაქმდეს ნებისმიერ სახელმწიფო, ან კერძო საწარმოში, რომლის საქმიანობა დაკავშირებული იქნება ელექტრორკალურ შედუღებასთან, შესაძლებელია თვითდასაქმებაც. პრაქტიკული კომპეტენციების გამომუშავება მოხდება სასწავლებლის თანამედროვე ტექნოლოგიებით აღჭურვილ სახელოსნოში. პროგრამის ხანგლძლივობაა 10 კვირა და მოიცავს 200 საკონტაქტო საათს. მსმენელის შეფასება მოხდება პრაქტიკული დავალების შესრულებაზე დაკვირვებით.

პროფესიული მომზადების პროგრამის „შემდუღებელი (ელექტრორკალური)“ მიზანია მოამზადოს კვლიფიციური კადრი, რომელმაც იცის ელექტრორკალური შედუღების ტექნოლოგიის თავისებურებები და შეუძლია სამუშაო ადგილის უსაფრთხოდ ორგანიზება, შესასრულებელი სამუშაოს შესაბამისად აღჭურვილობისა და ინსტრუმენტების შერჩევა და მომზადება, უსაფრთხოების წესების დაცვით შესადუღებელი დეტალების ხელით ელექტრორკალური შედუღება.