სსიპ - კოლეჯი "ქართლი"

პროფესიული მომზადების პროგრამის - „საავტომობილო შიდაწვის ძრავების კვების სისტემის სერვისი“ სასწავლო თემატიკა მოიცავს მსუბუქი ავტომობილის ძრავის შეკეთების იმ ძირითად საკითხებს, რომელთა შესწავლის შემდეგ კურსდამთავრებულები უმოკლეს დროში შეძლებენ მსუბუქი ავტომობილის ძრავის შემკეთებლის მოთხოვნადი სპეციალობით თვითდასაქმება-დასაქმებას ავტოსატრანსპორტო საშუალებების სერვისის ობიექტებზე როგორც ადგილობრივ, ისე საერთაშორისო შრომით ბაზარზე. პროგრამის დასრულების შემდეგ კურსდამთავრებულები შეძლებენ: - შიდაწვის ძრავების კლასიფიკაციას, ძრავის მექანიზმების დიაგნოსტირებას, ნაწილებად დაშლას და აწყობას - ძრავის მექანიზმების გამოვლენილი ხარვეზების აღმოფხვრას და შემდგომ დიაგნოსტირებას - ძრავის კვების სისტემის შესაძლო უწესივრობების გამოვლენას - ძრავის კვების სისტემის სარემონტო სამუშაოების შესრულებას - ძრავის კვების სისტემის რემონტის შემდგომ დიაგნოსტიკას. პროგრამის ხანგრძლიობაა 13 კვირა, 200 საკონტაქტო საათი, კვირაში 12-20 საათის დატვირთულობით და მოიცავს თეორიული სწავლების, პრაქტიკული უნარების განვითარებისა და შეფასებების ნაწილებს. პროგრამა განხორციელდება კოლეჯის სასწავლო აუდიტორიასა და სასწავლო სახელოსნოში, მაღალკვალიფიციური სპეციალისტების მიერ, შრომის უსაფრთხოების თანამედროვე რეგულაციების გათვალისწინებით.

პროფესიული მომზადების პროგრამა - „საავტომობილო შიდაწვის ძრავების კვების სისტემის სერვისი“ მიზნად ისახავს სპეციალისტების მომზადებას, რომლებიც შეძლებენ სხვადასხვა შიდაწვის ძრავების კლასიფიკაციას, ძრავის მექანიზმების დიაგნოსტირებას, მათ ნაწილებად დაშლა-აწყობასა და გამოვლენილი უწესივრობის აღმოფხვრას, ძრავის კვების სისტემის შესაძლო უწესივრობების გამოვლენას, ძრავის კვების სისტემის სარემონტო სამუშაოების შესრულებას და რემონტის შემდგომ დიაგნოსტიკას. პროგრამის განხორციელება ითვალისწინებს აგრეთვე ავტოტრანსპორტის სერვისის მიმართულებებით პროფესიების პოპულარიზაციას და კურსდამთავრებულთა დასაქმება/თვითდასაქმების მხარდაჭერას - ადგილობრივ/რეგიონალურ შრომით ბაზარზე როგორც მიმდინარე ეტაპზე არსებული ამ სპეციალობის კადრების დეფიციტის შევსებას, ისე მათზე სამომავლო მოთხოვნების უზრუნველყოფას.