სსიპ - კოლეჯი "ბლექსი"

პროფესიული მომზადების პროგრამაზე სწავლა შეუძლია ყველა დაინტერესებულ მინიმუმ საბაზო განათლების მქონე პირს, რომელსაც აქვს სურვილი მოკლე დროში მიიღოს კონკრეტული ცოდნა/უნარები და დასაქმდეს ან საქმიანობა განახორციელოს აღნიშნული მიმართულებით. მსმენელები შეისწავლიან ხელით ელექტრო-რკალურ შედუღებას, სამუშაო ნახაზის კითხვას და შესრულებული სამუშაოს შესახებ დოკუმენტაციის შედგენას. სწავლების, როგორც თეორიული ასევე პრაქტიკული კურსი განხორციელდება კოლეჯში სამუშაოზე დაფუძნებული სწავლების მეთოდოლოგიით. პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები. პროგრამის ხანგრძლივობა შეადგენს 14 კვირას, კვირაში - 15 საათი.

პროგრამის მიზანია მოამზადოს ხელით ელექტრო-რკალური შემდუღებელი, რომელიც იქნება კონკურენტუნარიანი კადრი შრომის ბაზარზე და შესძლებს: ხელით ელექტრო-რკალურ შედუღებას სხვადასხვა სივრცულ მდებარეობაში, სამუშაო ნახაზის კითხვას, დეფექტების გამოსწორებასა და შესრულებული სამუშაოს შესახებ დოკუმენტაციის შედგენას.