ა(ა)იპ - სათავგადასავლო ტურიზმის სკოლა

პროგრამა გათვალისწინებულია მხოლოდ პრაქტიკოსი გამყოლებისთვის, რომელთაც გააჩნიათ ცხენთან ურთიერთობის, ცხენით ჯირითის გამოცდილება. პროგრამა ფარავს, როგორც მეცხენეობის საფუძვლებს (ცხენის შენახვა - მოვლა, ვრანგლერობა, ცხენის ფიზიოლოგიური და ფსიქოლოგიური თავისებურებანი, ცხენის ექსტერიერი, ცხენის ურთიერთობა ჯოგში და ადამიანთან) ასევე სათავგადასავლო ტურიზმის ძირითად კომპეტენციებს (ტურის დაგეგმვა, ტურისტების კომფორტი და უსაფრთხოება, ორიენტირება და ნავიგაცია, რისკების მართვა და ინციდენტებზე რეაგირება, ექსპედიცისს დაგეგმვა, სამარქაფე ცხენის გამოყენება და ა.შ.) სწავლება ხორციელდება C გარემოში - ველზე, ერთდღიან და მრავალდღიან ტურებზე ექსპერტების მუდმივი დაკვირვებით და ხელმძღვანელობით. უსაფრთხოების ზომების შესაბამისად შეზღუდულია ჯგუფში მსმენელთ რაოდენობა; ექსპერტისა და მსმენელთა თნაფარდობა უნდა იყოს 1/6. პროგრამით გათვალისწინებული თეორიული ნაწილიც ისწავლება C გარემოში, ინსტრუქტაჟის გზით, რომელიც ასე შესაძლებელია განხორციელდეს ონლაინ, ელექტრონული სწავლების ფორმით. პროგრამის ყოველი სწავლის შედეგის დასრულებას თან მოსდევს-განმსაზღვრელი შეფასება, სწავლის პროცესში კი ხორციელდება განმავითარებელი შეფასება. სულ: 10 კვირა, 364 სთ; ბოლო კვირის 12 საათი დაეთმობა გაერთიანებულ პრაქტიკულ დავალებას, რომელიც რამდენიმე სწავლის შედეგის ურთიერთკავშირისა და კომპეტენციების დადასტურების საშუალებას მისცემს მსმენელებს.

პროგრამის მიზანია გადაამზადოს და საქართველოს შრომის ბაზარს მიაწოდოს საცხენოსნო ტურის კვალიფიციური გამყოლი, რომლებიც როგორც კომპეტენეტური გიდები, გაუძღვებიან: ტურისტს/ტურისტების ჯგუფს ნებისმიერი სირთულის და ხანგრძლივობის საცხენოსნო ტურისტულ მარშრუტებზე, გაუკვალავ და მონიშნულ ბილიკებზე და თოვლიან ზედაპირზე, იქ სადაც გამორიცხულია ზვავსაშიშროება. საცხენოსნო ტურის გამყოლის საქმიანობა იზღუდება მყინვარებზე.