სსიპ - კოლეჯი "იბერია"

მოკლევადიანი გადამზადების პროგრამა მოიცავს როგორც თეორიული სწავლებას, ასევე პრაქტიკულ ნაწილს. მსმენელი შეისწავლის ყველა იმ აქტივობას, რომელიც ესაჭიროება ორგანული მევენახეობა-მეღვინეობისათვის, ვაზის განვითარების სრული ციკლის მანძილზე და მოსავლის აღების შემდეგომ ღვინის დაყენებისა და მოვლის ჩათვლით. მსმენელი ასევე გაეცნობა და შეისწავლის ბიო/ორგანული წარმოების სერტიფიკატის მოპოვებისათვის გასავლელ ეტაპებს და საჭირო დოკუმენტაციას და განსხვავებას კონვენციურ, ტრადიციულ, ორგანულ, ნატურალურ და ბიოდინამიურ მევენახეობას შორის; მსმენელები შეისწავლიან ორგანული სოფლის მეურნეობის ძირითად პრინციპებს, ნიადაგის ანალიზს და ამის საფუძველზე მდგრადი მეთოდებისა და კარგი პრაქტიკების გამოყენებას, ორგანული მევენახეობისათვის სასუქებისა და მცენარეთა დაცვის საშუალებების დამზადება-გამოყენების წესებს, რათა სწორად მართონ ეს პროცესები და სრულად გამოიყენონ თეორიული თუ პრაქტიკული ცოდნა და უნარ-ჩვევები ეკოლოგიურად სუფთა პროდუქტების მისაღებად. პროგრამა სულ მოიცავს 78 საკონტაქტო საათს: თეორიული და პრაქტ. კომპონენტის კვირეული დატვირთვა არის 8-16 საათი , სსიპ კოლეჯის ,,იბერია“-ს ბაღდათის ფილიალის A და C გარემოში. პროფესიული გადანზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.

• პროგრამის მიზანია მსმენელს გააცნოს ორგანული მევენახეობა-მეღვინეობის კონცეფცია, ძირითადი დებულებები და გამოუმუშავოს როგორც თეორიული ცოდნა, ასევე პრაქტიკული უნარები. • ქვეყანაში სოციალურად და ეკოლოგიურად გამართლებული წარმოების, გადამუშავებისა და დისტრიბუციის ერთიანი სისტემის ჩამოყალიბების ხელშეწყობა; • ადგილობრივი ცოდნისა და ტრადიციული სასოფლო– სამეურნეო სისტემების მნიშვნელობის აღიარების, დაცვისა და მათ შესახებ ცოდნის გავრცელების ხელშეწყობა.