სსიპ - კოლეჯი „მერმისი“

პროფესიული მომზადების პროგრამა განკუთვნილია იმ პირთათვის, რომელთაც სურთ დასაქმება ნებისმიერი ტიპის სასტუმროებში, რესტორნებსა და ობიექტებში სადაც ამზადებენ საკვებს. მომზადების პროგრამის მოცულობა 260 საათია, მსმენელების სწავლება განხორციელდება 13 კვირის განმავლობაში, 20 საათიანი კვირეული დატვირთვით: პირველი 10 კვირა კოლეჯში (200 საათი), მე-11, მე-12 და მე-13 კვირას (56 საათი), ჩატარდება კოლეჯის პარტნიორ ორგანიზაციის (შპს „დაბი ჯგუფი ჯორჯია“, შპს „ღები“ (რესტორანი „რაჭული სახლი“) კვების ობიექტზე. მსმენელების შეფასება განხორციელდება მე-6, მე-9 და მე-13 კვირას კოლეჯში (18 საათი). შეფასების ინსტრუმენტები: 1. პრაქტიკული დავალება დაკვირვებით შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა; ბ) სწავლის შედეგი ვერ დადასტურდა პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ, კურსდამთავრებული მიიღებს კვალიფიკაციის ნაწილის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს.

მომზადების პროგრამის მიზანია შრომის ბაზრის მოთხოვნების გათვალისწინებით მოამზადოს პირი, რომელსაც ექნება ცოდნა და პრაქტიკული უნარები ქართული სამზარეულოს ძირითადი კერძების მომზადებაში. პროფესიული პროგრამის მიზანია შრომის ბაზარზე კურსდამთავრებულთა კონკურენტუნარიანობის ხელშეწყობა, ვინაიდან პროფესიული მომზადების პროგრამა არის უმოკლესი გზა დასაქმებისაკენ.