შპს ამერიკული საერთაშორისო სკოლა პროგრესი - ბათუმი

პროფესიული მომზადების პროგრამა ,,აპარტ ოტელების ოპერირება’’ შემუშავებულია შრომის ბაზრის მოთხოვნების გათვალისწინებით, მაღალკვალიფიციური სპეციალისტების ჩართულობით. პროფესიული მომზადების პროგრამის ხანგრძლივობაა 12 კვირა და მოიცავს 200 საკონტაქტო საათს; პროფესიული მომზადების პროგრამაზე სწავლა შეუძლია სრულწლოვან პირს, სრული ზოგადი განათლებით, რომელსაც აქვს სურვილი, მოკლე დროში შეიძინოს ის თეორიული ცოდნა, პრაქტიკული გამოცდილება და უნარ-ჩვევვები, რომელიც მას ხელს შეუწყობს დასაქმებასა და კარიერულ განვითარებაში; პროფესიული მომზადების პროგრამის ფარგლებში, მსმენელი შეისწავლის აპარტ ოტელებში ოპერაციული პროცესების განხორციელებას სტანდარტების დაცვით. პროფესიული მომზადების პროგრამა განხორციელდება დარგის გამოცდილი და კვალიფიციური სპეციალისტების მიერ; პროფესიული მომზადების პროგრამა ხორციელდება სამუშაოზე დაფუძნებული სწავლების ფორმით კერძოდ, ზოგიერთი სწავლების შედეგი მიიღწევა რეალურ სამუშაო გარემოში-აპარტ ოტელების ბაზაზე, პარტნიორ ორგანიზაციასთან გაფორმებული ურთიერთთანამშრომლობის ხელშეკრულებების ფარგლებში; პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.

პროფესიული მომზადების პროგრამის მიზანია, შრომის ბაზარზე არსებული ტენდენციებისა და მოთხოვნების გათვალისწინებით მოამზადოს კონკრეტული ცოდნისა და უნარ-ჩვევების მქონე კადრი, რომელიც შეძლებს აპარტ ოტელებში ოპერაციული პროცესების განხორციელებას სტანდარტების დაცვით.