შპს მარნეულის კოლეჯი

პროგრამა განკუთვნილია იმ პერიბისათვის, ვისაც აქვს სრული ზოგადი განათლება და სკოლამდელი აღზრდის დაწესებულებებში სააღმზრდელო-საგანმანათლებლო პროცესში მუშაობის სულ მცირე ექვსთვიანი სამუშაო გამოცდილება. სკომადელი აღზრდის დაწესებულებაში სააღმზრდელო პროცესის წარმართვის დაბალი კომპეტენცია ერთერთი მნიშვნელოვანი პრობლემაა რეგიონში, სადაც ფუნქციონირებს ათეულობით სკოლამდელი აღზრდის დაწესებულება, კვალიფიციური პროფესიული უნარების მქონე კადრები კი დეფიციტშია. ამ პროგრამის დასრულების შემდეგ კურსდამთავრებულს შეეძლება შესაბამისი ცოდნის და უნარების გამოყენებით მონაწილეობა მიიღოს სააღმზრდელო პროცესის წარმართვაში პედაგოგთან და ბავშვის მშობლებთან შეთანხმებულად, ბავშვის ასაკობრივი თავისებურებების გათვალისწინებით. მსმენელთა განმავითარებელი შეფასება ჩატარდება ყოველი სწავლის შედეგის დასრულების შემდეგ, ხოლო განმსაზღრელი შეფასება ჩატარდება ბოლო კვირაში განმსაზღვრელი შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას: ა) სწავლის შედეგი დადასტურდა ბ) სწავლის შედეგი ვერ დადასტურდა. განმსაზღვრელი შეფასებისას უარყოფითი შედეგის მიღების შემთხვევაში მსმენელს უფლება აქვს გავიდეს დამატებით შეფასებაზე კიდევ ერთხელ. სწავლის შედეგების დადასტურების შემდეგ, მსმენელს გადაეცემა სახელმწიფოს მიერ აღიარებული სერტიფიკატი.

პროგრამის მიზანია სკოლამდელი აღზრდის დაწესებულებაში სააღმზრდელო პროცესში მონაწილე პირებისათვის ისეთი კომპეტენციების განვითარება, რაც დაეხმარება მას სააღმზრდელო პროცესის სწორად და კვალიფიციურად წარმართვაში, ბავშვის ასაკიბრივი თავისებურებების გათვალისწინებით.