სსიპ - კოლეჯი "ახალი ტალღა"

პროფესიული მომზადების პროგრამა ,,კერძების მომზადების’’ ტექნოლოგია,შემუშავებულია შრომის ბაზრის მოთხოვნების გათვალისწინებით პროგრამის ფარგლებში მსმენელი შეისწავლის: ჰიგიენისა და სანიტარული ნორმების დაცვას სამზარეულოში; კვების ობიექტებზე სამზარეულოს ფუნქციონირებისა და სამუშაო პროცესის ორგანიზებას; საკვები პროდუქტების დახასიათებას, კლასიფიკაციასა და კულინარიული პოტენციალის განსაზღვრას; ნედლეულის დამუშავებისა და კერძების მომზადებისთვის ხელსაწყო-იარაღების,ელექტროაპარატურისა და დანადგარების გამოყენებას; პროდუქტისა და ნედლეულის არჩევას; ნახევარფაბრიკატების მომზადებას; ნედლეულისა და პროდუქტის თერმულ დამუშავებას; სხვადასხვა მეთოდის გამოყენებით კერძების მომზადებას; პროგრამის ხანგრძლივობაა 12 კვირა და მოიცავს 300 საკონტაქტო საათს. პროგრამაზე სწავლა შეუძლია ყველა დაინტერესებულ პირს, მინიმუმ 16 წლის-საბაზო განათლებით, რომელსაც აქვს სურვილი მოკლე დროში მიიღოს კონკრეტული ცოდნა/უნარები და დასაქმდეს ამ მიმართულებით. სწავლების განხორციელება შესაძლებელია ორგვარი მიდგომით:პროფესიული მომზადების პროგრამა ხორციელდება სასწავლო დაწესებულებაში და ყველა სწავლის შედეგი მიიღწევა სასწავლო დაწესებულებაში; პროფესიული მომზადების პროგრამა ხორციელდება სამუშაოზე დაფუძნებული სწავლების ფორმით კერძოდ, ზოგიერთი სწავლების შედეგი მიიღწევა რეალურ სამუშაო გარემოში, პარტნიორ ორგანიზაციებთან გაფორმებული ურთიერთთანამშრომლობის ხელშეკრულებების ფარგლებში; პროგრამის დასრულების შემდეგ კურსდამთავრებული მიიღებს კვალიფიკაციის დამადასტურებელ სახელმწიფოს მიერ აღიარებულ პროფესიული განათლების დამადასტურებელ სერტიფიკატს, დანართით

პროგრამის მიზანია შრომის ბაზრის მოთხოვნების გათვალისწინებით მოამზადოს კონკრეტული ცოდნისა და უნარების მქონე კადრი, რომელიც შეძლებს სხვადასხვა მეთოდის გამოყენებით კერძების მომზადებას ტექნოლოგიური პროცესის სრული დაცვით.