ა(ა)იპ - კულტურის ინსტიტუტი

ქართული ცეკვა მოიცავს რიტუალს, წეს-ჩვეულებებს, საშემსრულებლო ხელოვნების სახეობებს. ქართული ტრადიციული საცკვაო ხელოვნების ისტორიული ძირები, მისი განვიტარების ტენდენციები უშუალოდ უკავშირდება ქვეყნის გეოგრაფიულ მდებარეობას, მისი ისტორიული კუთხეების წარსულსა და აქ ჩამოყალიბებულ ტრადიციებს. უძველესმა ქართულმა საცეკვაო ხელოვნებამ, რომელიც საუკუნეების მანძილზე იხვეწებოდა და მდიდრდებოდა, განვითარების მაღალ დონეს მიაღწია XX საუკუნის პირველ ნახევარში. მასში ფაქიზადაა შერწყმული თვითმყოფადი ტრადიციული და ახლადშექმნილი პლასტიკური ნაწარმოებები. ქართული საცეკვაო ფოლკლორის მდიდარი პალიტრა წარმოადგენს იმ საფუძველს, რომელზედაც აღმოცენდა ეროვნული კლასიკის საუკეთესო ნიმუშები. ქართული ცეკვის ხელოვნების შენარჩუნება, მნიშვნელოვანია. პროგრამაზე სწავლა შეუძლია ნებისმიერ პირს, რომელიც აკმაყოფილებს პროგრამაზე დაშვების წინაპირობებს. პროგრამის ხანგრძლივობაა - 34 კვირა, სულ - 850 საათი, შეფასებისას გამოიყენება განმავითარებელი და განმსაზღვრელი შეფასება; განმავითარებელ შეფასება დაგეგმილია სწავლების პროცესში; განმსაზღვრელი შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს ორი ტიპის შეფასებას: ა) სწავლის შედეგი დადასტურდა; ბ) სწავლის შედეგი ვერ დადასტურდა. პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს სახელმწიფოს მიერ აღიარებულ სერტიფიკატს დანართთან ერთად, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები

პროგრამის მიზანია გააცნოს მსმენელებს ქართული ქორეოგრაფიული ხელოვნების ისტორია და თანამედროვე ტენდენციები, ასევე ქართული ხალხური ცეკვის გაკვეთილის დაგეგმვა/ჩატარების, სხვადასხვა კუთხის, ფორმისა და სტილის ქართული ხალხური ცეკვის შესრულების, სარეპეტიციო პროცესის დაგეგმვის უნარების განვითარება. ქართული ხალხური ცეკვის ქორეოგრაფ-რეპეტიტორის პროფესიული, საშემსრულებლო შემოქმედებითი, საგანმანათლებლო და ტრანსფერული უნარების განვითარება და გამოყენება საქმიანობაში